Clwb Wedi Ysgol


Yr ydych yma: Y Diweddaraf > Clwb Wedi Ysgol

Fel rhan o ymrwymiad yr ysgol i ‘wasanaeth o ofal’ mae Clwb Wedi Ysgol yn cael ei gynnig i’r disgyblion.

Manylion fel a ganlyn:

  • Cynhelir y Clwb ym mhrif neuadd yr ysgol ac mewn ystafell ddosbarth sydd wedi ei chofrestru at y defnydd.
  • Cynhelir y Clwb Wedi Ysgol rhwng 3:40 a 6:00 yr hwyr.
  • Yn gyfrifol am y Clwb mae Person Cofrestredig sydd hefyd yn athrawes yn yr ysgol. Y Person â Gofal yw Miss Lowri Owen. Fe’i cefnogir gan dîm o oruchwylwyr sydd yn aelodau o staff cynorthwyol yr ysgol.
  • Cynigir te i’r dysgwyr sydd yn parhau i fod yn y Clwb wedi 4:15 o’r gloch. Trefnir y gwasanaeth a’r fwydlen gan rheolwraig arlwyo'r ysgol.
  • Y goruchwylwyr sydd yn gofalu am holl anghenion y plant yn ystod y Clwb.
  • Bydd yr eitemau a gynigir i’r dysgwyr i fwyta yn unol â Chynllun Ysgolion Iach y Cynulliad Cenedlaethol Cymreig. 

*Dylech hysbysu’r staff os oes gan eich plentyn unrhyw anghenion dietegol neu alergedd bwyd penodol

  • Bydd plant y Clwb Wedi Ysgol yn cael cyfle i ddarllen, chwarae gemau bwrdd, gwylio rhaglenni teledu / fidio neu gwblhau Gwaith Cartref.
  • Mae’r Clwb yn gweithredu o fewn gweithdrefnau a systemau diogelwch yr ysgol.
  • Arolygir y Clwb Wedi Ysgol gan aelodau o Uwch Athrawon yr ysgol.
  • Bydd CIW (corff arolygu safonau) yn arolygu'r Clwb yn rheolaidd.

Ymhlith y goruchwylwyr mae:

  • Samantha Griffiths
  • Aimee Spiller
  • Lianne Taylor-Hayhurst
  • Amber Jones-Williams
  • Sarah Williams
  • Megan Round
  • Georgia Sutton

Nod

  • Darparu gofal o ansawdd i’n dysgwyr ar ôl oriau ysgol gyda ystod eang o weithgareddau mewn awyrgylch groesawgar.

Nifer y plant

  • Gallwn ofalu am hyd at 50 o blant.

Iaith a Ddefnyddir

  • Cymraeg a Saesneg.

Polisi Derbyn

  • Gofynnir i rieni/ofalwyr gwblhau cytundeb ymlaen llaw.
  • Os oes achos i gwyno, rhowch wybod i aelod o staff.
  • Gallwch hefyd gysylltu â

 CIW ar 03007900126

Gwybodaeth

  • Rydym yn gofalu am blant o’r Grŵp Chwarae (2.5 mlwydd oed) hyd Flwyddyn 6 (12 mlwydd oed).
  • Mae’r goruchwylwyr yn ddwyieithog.
  • Rydym yn sicrhau amgylchedd hamddenol a chyfeillgar.
  • Am wybodaeth ychwanegol gweler ein taflenni gwybodaeth.